DuYan

Yugyog mo'y aking hinanap-hanap
Mga ugoy mo'y talagang kaysarap;
Bawat sandali'y ikaw ang pinapangarap
Ganda ng mundo sa'yo ko lang nahanap.


Sa mga sandaling dama ko ang iyong yakap
Pakiramdam ko'y anong langit ang sarap;
Sa tuwing mata'y ipikit isip ko'y puno ng paglingap
Sa piling mo para akong nasa ulap.


Oh duyan hali ka't kanlungin mo ako
Bigyan mo ng saya ang buhay na ito;
Lungkot at lumbay hali na't pawiin mo
Nang malimutan ko ang problemang ito.


Ang iyong pagmamahal dulot ay kaginhawaan
Mga munting pangarap sa'yo ko lang natagpuan;
Ang iyong indayog ang tangi kong kayamanan
Upang itong mga pangarap ay lubos na makamtan.


Salamat sa inspirasyong iyong ibinigay
Mundo kong ito'y naging makulay
Nang dahil sa iyo lumigaya ang buhay
Napuno ng saya at ligayang tunay.